• |
ide | kryesore

Letra/ 4 dekanë kërkojnë dorëheqjen e rektorit të Universitetit të Tiranës, Mynir Koni

Lajme, Të fundit



4 dekanë të fakulteteve të universitetit të Tiranës kërkojnë një letër ku kërkojnë dorëheqjen e rektorit të këtij universiteti. Kjo letër i është dorëzuar ministres së Arsimit Lindita Nikolla. Artur Sula, Edmond Rapti, Artan Hoxha dhe Dhori Kule kërkojnë shkarkimin e rektorit të Universitetit të Tiranës, Mynyr Koni.

“Në këto 17 muaj të administrimit të universitetit kemi konstatuar shkelje të rënda dhe të vazhdueshme ligjore në veprimtarinë e rektorit të Universitetit që kanë krijuar një situatë të rëndë paligjshmërie me efekte të drejtpërdrejta të mos funksionimit normal të të gjitha strukturave të universitetit të Tiranës të cilat janë të lidhura drejtpërdrejtë ose indirekt me autoritetin e rektoratit të Universitetit. Gjatë gjithë kësaj periudhe vendimmarrja sjellja dhe komunikimi shkresor për probleme të rëndësishme të administrimit akademik dhe të universitetit dhe strukturave përbërëse të tij në çështje të rëndësishme nga ana e rektorit ka qenë në kundërshtim të hapur me ligjin. Kjo ka bërë që të pengohet rekrutimi i personelit akademik me kohë të plotë dhe atij administrativ. Të krijohen probleme lidhur me miratimin e më pas zbatimin e buxhetit të Universitetit për realizimin e funksioneve të tij. Në mënyrë flagrante rektori ka marrë kompetencat e Administratorit të Universitetit. Nuk njeh autoritetin e tij dhe të bordit të administrimit. Ka nënshkruar kontrata furnizimi me efekte financiare të cilat janë kompetencë e administratorit , e ka pezulluar atë ka bllokuar pagat e punonjësve të rektoratit të Universitetit të Tiranës dhe Departamentit të Edukimit Fizik apo vonuar atë të pedagogëve të Fakultetit të Shkencave të Natyrës, bllokimin e databazës dhe shërbimet informatike për studentët e pedagogët veprime këto në kundërshtim të hapur me ligjin. Duke qenë se qëndrimi i Rektorit vazhdon të jetë i njëjtë, me gjithë përpjekjen e instituticionale të autoriteteve dhe organeve brenda UT, si edhe atyre jashtë UT, vlerësojmë se qëndrimi i mëtejshëm në detyrë i Rektorit jo vetëm nuk i përgjigjet kërkresave ligjore, por është në dëm të hapur me interesat e administrimit, drejtimit dhe zhvillimit Instituticional të Universitetit të Tiranës.” – shkruhet në letër.

Ky lajm u konfirmua edhe nga vetë kryeministri Rama në foltoren e Kuvendit. Kryeministri  u shpreh se situata e krijuar në Universitetin e Tiranës nuk është shkaktuar nga reforma e arsimit të lartë por nga fakti se dekanët duan që të shkarkojnë rektorin Mynir Konin.

 



2 Comments

  1. Sa qesharak ne pretendimet e tij Dhori feudalit! Ti e kishe emruar vete kancelarin mor mik dhe beje cfare te doje me te. Rektori Koni eshte zgjedhur me vote te lire te pedagogeve dhe nuk e shkarkojne dekanet qe njeri ka qene Drejtor i drejtorise juridike ne kohen tende (Artan Hoxha) e tjetri zv. rektor (E. Rrapti). Po meqe ty tu prish plani per ta sunduar Mynyr Konin e zgjedhur ligjerisht ne rregull, me zv rektorin tend dhe me zv Ministrin e arsimit nip i F. Ponit i kovertuar ne te majte!!vazhdoooo…! Pedagogeve nuk ia ndjen per klanet e tua po per UNIVERSITETIN e Tiranes per te cilin ti nuk mbake asnje pergjegjesi se e ke cuar ne “bishtin e kavallit” me makinacionet e tua per pushtet.

  2. Lloro kulo, perpara se te kerkosh doreheqje per dike duhet te japesh ti vete doreheqje per sjellje prej dordoleci. Ju felliqi, ju mori fytyren, ju konsideroi koka delesh “qe mund te priten kollaj”, ju zhvirgjeroi publikisht Ju qe duhet te jeni ne balle te brezit te ri dhe ke fytyre e flet o i pafytyre. Nje koqeminister i papergjegjshem i dale duarsh prej ligjit dhe ju rrini urte. Te me ndjeni per fjalorin “por ju kam dhjere mu ne emer e profesion” se dinjitet e vertetuat qe nuk keni.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *