Shkëlzen Berisha ka mbërritur në Prokurorinë e Krimeve të Rënda, ku do të japë dëshminë e tij si person që ka dijeni për privatizimin e OSHEE-së.
Për këtë çështje do të dëshmojë edhe deputeti socialist Taulant Balla. Mësohet se Shkëlzen Berisha do të përballet me kryetarin e grupit parlamentar të Partisë Socialiste.
Ai u thirr pak javë më parë për t’u pyetur për çështjen e famshme të CEZ-it. Fillimisht ishte Taulant Balla ai që e dha lajmin se Shkëlzen Berisha ishte thirrur për të dëshmuar, e më pas e pranoi edhe vetë ai.
Ndërkohë ai deklaroi në rrjetet sociale se nuk kishte lidhje me privatizimin e OSHEE-së dhe se kishte ngritur një padi ndaj Taulant Ballës.