• |
ide | kryesore

SHBA kundër ndarjes së Kosovës dhe shkëmbimit të territoreve me Serbinë

Lajme, Të fundit

Ambasada Amerikane në Prishtinë, ka bërë të ditur se Shtetet e Bashkuara të Amerikës, nuk e përkrahin idenë për shkëmbim territoresh mes Kosovës dhe Serbisë.


“Ne nuk e mbështesim shkëmbimin e territorit apo vendosjen e precedentëve që do të shkaktonin më shumë probleme sesa zgjidhje, por të gjitha palët duhet të jenë kreative në gjetjen e një zgjidhjeje”, thuhet në përgjigjen e Ambasadës Amerikane në Prishtinë dhënë Radios Evropa e Lirë.


“Shtetet e Bashkuara vazhdojnë të mbështesin fuqishëm dialogun e ndërmjetësuar nga BE-ja ndërmjet Kosovës dhe Serbisë dhe inkurajon të dyja palët që të përshpejtojnë përpjekjet e tyre për normalizimin e marrëdhënieve”, thuhet në këtë përgjigje.
SHBA-të i bëjnë thirrje të dyja palëve që t’i shfrytëzojnë mundësitë për të bërë përparim në këtë çështje.

Po ashtu thuhet se SHBA-të do të mbështesin të dyja palët për të arritur një marrëveshje gjithëpërfshirëse, e cila është e vetmja mënyrë për të zhbllokuar të ardhmen e Kosovës dhe të Serbisë drejt perëndimit.

Këto komente të Ambasadës Amerikane vijnë pas debatit të hapur për shkëmbim territoresh mes Kosovës dhe Serbisë, si zgjidhje mes dy vendeve, si dhe pas kërkesës që presidenti i Serbisë Aleksandar Vuçiq i ka bërë Shteteve të Bashkuara që t’i ndihmojnë t’i bindin shqiptarët e Kosovës që të jenë gati për zgjidhje fleksibile që do të mundësojnë një kompromis.

2 Comments

  1. sh ,b a ,ndihmoj shqiptaret ne shum momete historike ,kenedi ,ishte ulleheqes parimore ,bush klinton ndihmuan shqiptaret po ashtu dhe politikat vijuese,flasin ne dobi te shqiptareve me pjekurin e larte te kuptimit dhe formimi njerzore mbi principet ,e debatit mirkuptimit vlersimit te lire mes dy popujve ne ballkan kerkesave serbeve dhe pranim ne mirkuptim fjala vjen krijimin e gjykates speciale amerika eshte e malle ua afron mundesit paleve te fjasin lirisht kerkojne lirisht pastaj i mat me kujdes ,dhe i ven perballe fakteve te vertetes ,duke u pastruar ne kete forme cdo detaj ,demtues ndermjet paleve dhe mbetur e pastert per palet e drejta haku per sejcilin ,paqa rruget e mirkuptimit permes reciprocitetit nevojes jo imponimit ,dhe keshtu qartesohet rregullohet historia te drejtat permirsohen dhe njerzit ecin te lire perpara pa trysni ,pa shkele te drejtat e njeri tjetrit palet kjo eshte mrekulli

Lini një Përgjigje

Adresa juaj email s’do të bëhet publike.

Kthehu