Trajneri i KF Vllaznisë, Ernest Gjoka deklaroi se nuk ka probleme me askënd dhe nuk e di se kush tentoi t’a qëllonte atë me thikë.
Në dëshminë e dhënë në polici, Gjoka u shpreh se për më tepër ai nuk njeh shumë persona në Shkodër që të ketë konflikte.
Trajneri zbuloi edhe dinamikën e ngjarjes.
“Nuk e di kush e ka bere sulmin ndaj meje. Nuk kam me askend probleme. Nuk e kam idene. Nuk njoh aq shume ne Shkoder. Une merrem vec me stervitjet dhe ndeshjet. Agresori erdhi nga mbrapa kur isha tek makina ne fund te stervitjes. Prane meje ishte Gilman Lika qe me ndihmoi bashke me qytetare qe qelluan. Nuk e.prisja te ndodhte. Me sulmuan pasi kishte mbaruar stervitja. Nuk e kuptoj pse ka ndodhur sepse skam probleme me kend.” – u shpreh trajneri Gjoka.