Media ndërkombëtare i kanë dhënë hapësirë lajmit se aktorja shqiptare Adea Shabani e bërë e njohur nga filmi “All or nothing” është zhdukur që prej të premtes së javës së kaluar.
Shqiptarja nga Maqedonia jeton prej 2 vitesh në Los Angeles. 25-vjeçarja ndodhet atje në ndjekje të ëndrrës hollivudiane. “Daily Mail” shkruan se ajo studion për aktrim dhe miqtë filluan të shqetësohen kur ajo nuk kishte shkuar në mësim.
Miqtë e saj kanë deklaruar në polici se Adea nuk e kishte kyçur derën e shtëpisë. Hera e fundit kur u pa ishte më 23 shkurt, jo shumë larg teatrit të famshëm kinez në mes të Hollywood, pranë vendit ku jetonte. E ëma e aktores ka angazhuar një hetues privat. E gjithë familja dhe miqtë janë shprehur shumë të shqetësuar dhe po kërkojnë ndihmë.
“Diçka po ndodh me të. Nuk e dimë ku është. Shpresojmë të jetë gjallë”, – është shprehur mikesha e Adeas, Emma Joe.