Një grup punëtorësh të bypass-it të Fierit dhe të atij të Vlorës dolën në një protestë këtë paradite para Kuvendit, ku kërkonin rrogat nga puna që kanë kryer deri më tani në këto dy vepra.
Janë bërë tani 16 muaj që nuk paguhen, por kjo nuk do të thotë që e kanë humbur durimin. Me pankarta në duar, ata kanë qëndruar para kuvendit paqësorë dhe të padëmshëm, ndërkohë që para këmbëve të tyre hynin e dilnin makinat e deputetëve.
Për të mbajtur nën kontroll protestën mjaftuan pak policë.
Pagesat e punëtorëve janë të pashlyera nga kompani nënkontraktore të firmës që kishte fituar tenderat për ndërtimin e bypass-eve. Por kompania deklaroi falimentin, ndërkohë që kompanitë nënkontraktore të saj pretendojnë se nuk janë shlyer për punët e bëra dhe për pasojë nuk kanë paguar as punëtorët.
Për punëtorët e thjeshtë, situata bëhet më absurde pasi faturat e kompanive nënkontraktore nuk njihen nga Autoriteti Rrugor Shqiptar.
Kompania italiane Serenissima, e cila duhet të ndërtonte by-pass-in e Fierit dhe atë Vlorës falimentoi në fillim të vitit të kaluar dhe qeveria shqiptare ka sekuestruar dy kantierët e ndërtimit.
Po te doni hashash ja u japim ,paret ku t’i gjejme?,
lesh negjmije hajn pse e votuan monstren ram ruq xhafe edvinin kryeminister.