Policia e Athinës shkatërroi një organizatë kriminale që shfrytëzontë vajza për prostitucion, duke arrestuar 5 persona, mes tyre dy shqiptarë.
24-vjeçari Romeo Bildo, nga Fieri, është cilësuar si koka e grupit, ndërsa shqiptari tjetër i vënë në pranga është 23-vjeçari, Erald Cura.
(Romeo Bildo)
Organizata kriminale funksiononte kryesisht në lagjen Kalitheas të Athinës. Policia e Athinës i sekuestroi 63.830 Euro, 6 makina, 3 kompjuterë, 96 celularë dhe blloqe me shënime.
Sipas mediave vendase, vajzat rekrutoheshin kryesisht nga Shqipëria dhe Rumania. Ato kontaktoheshin përmes rrjeteve sociale dhe i kërkohej takim me pretendimin se kërkohej lidhje dashurie me to. Mësohet se më pas, duke u dhënë para, vajzat shfrytëzoheshin për prostituta.
Në këtë grup kriminal ra dhe një vajzë 14-vjeçare bullgare. Pasi ishte takuar me Romeon, ajo ishte detyruar prej tij të merrte pjesë edhe në orgji me shumë persona.