Një 26-vjeçar ka gjetur vdekjen ditën e sotme në zonën e Shkozës në Tiranë.
Ngjarja ka ndodhur rreth orës 13:00, në Shkozë, ku në një masiv inertesh te ish-uzina e autotraktoreve, është shkëputur duke e zënë poshtë 26-vjeçarin.
Ai ka qenë duke gërmuar për skrap kur ka ndodhur ngjarja.
Ai është transportuar në spital, por si pasojë e plagëve të marra ka humbur jetën. Grupi hetimor ndodhet në vendngjarje për veprimet e mëtejshme.