Një kufomë e gjinisë femër është parë nga disa banorë në ujërat e lumit që derdhen në liqenin e Pogradecit, pranë vendit të quajtur “Oktapodi”.
Policia njofton se viktima mund të jetë mbytur në lumë, dhe rrjedha e tij e ka çuar në liqen.
Mësohet se kërkimet për gjetjen e kufomës kanë nisur nga polumbarët.
Kufoma dyshohet se i përket një të moshuare që rezulton e humbur tri ditë më parë. Denoncimin për humbjen e të moshuarës e ka bere nipi në polici.