• |
ide | kryesore

“Nju Jork Tajms” e paralajmëroi në dhjetor. Pse Trump shkarkoi Rex Tillersonin

Lajme, Të fundit



Në fakt, kjo lëvizje pritej prej muajsh. Që në dhjetor, Nju Jork Tajms kishte shkruar se Shtëpia e Bardhë kishte një plan në veprim për të zëvendësuar Tillersonin me Pompeon. Marrëdhënia mes Presidentit dhe kreut të diplomacisë në fakt kishte arritur në një pikë shumë të ulët. Të paktën që kur një njeri i brendshëm zbuloi për mediat amerikane, shfryrjen e zemërimit të Tillerson, gjatë një mbledhjeje. Në atë rast ai e kishte quajtur Trumpin “moron”, domethënë idiot. Dhe Presidenti reagoi duke e sfiduar Sekretarin e Shtetit në një test të koeficientit të inteligjencës.

Dallimet në pikëpamje, në nivelin e politikës ndërkombëtare, në fakt kanë qenë shumë. Duke nisur nga Irani dhe Korea e Veriut, Tillerson i ka kërkuar disa herë presidentit të përdorë tone më të zbutura dhe të favorizojë rrugën e negociatave dhe jo atë të përplasjes verbale.

Sekretari i ri i Shtetit konsiderohet një “fajkua”. Nën drejtimin e tij, për shembull, CIA ka deklasifikuar dokumenta që zbulojnë se si Teherani ka mikpritur njerëz të Al Kaedës në të kaluarën. /bota.al



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *