Në Kuvend, pasditen e sotme u mbajt një minutë heshtje për viktimat e tragjedisë së Gërdecit.
Kërkesën e bëri Erion Braçe sot, në 10-vjetorin e tragjedisë, sapo mori fjalën në foltoren e Kuvendit.
“Në 10-vjetorin e tragjedisë së Gërdecit, ju kërkoj që të mbajmë një minutë heshtje në nderim të tyre, dhe të lutemi që shpirtrat e tyre të prehen në paqe”, tha deputeti Braçe.
Duke aprovuar këtë kërkesë, deputetët kanë mbajtur një minutë heshtje për viktimat e tragjedisë së Gërdecit.