E përditshmja “Globoesporte” konfirmoi zërat për një përçarje në dhomën e zhveshjes së PSG-së. E pranoi në mënyrë indirekte edhe ish-tercini i Juventus, Dani Alves pas eliminimit nga Champions se “u mungonte afrimiteti”, por gazeta bën një pasqyrë të klaneve në skuadrën e trajnerit, Emery.
Brazilianët
Mbërritja e Neymar dhe Dani Alves, të bashkuar kundër Cavani doli në sipërfaqe kur ylli brazilian sapo kishte mbërritur nga Barcelona kërkonte të merrte të drejtën e ekzekutimit të penalltive. Kjo përçau në mënyrë të fortë dhomën e zhveshjes. Neymar tërhoqi menjëherë në klanin e tij edhe bashkëkombësit Thiago Silva dhe Marquinhos. Katërshes iu bashkuan më vonë edhe portieri rezervë Kevin Trapp, i cili është gjerman, por i martuar me modelen braziliane Izabel Goulart.
Latinët
Lider i këtij “klani” është uruguaiani Edinson Cavani, që pas sherrit me Neymar i cili kërkonte me çdo ngulm vendin e gjuajtësit të penalltive mori me vete disa lojtarë. Me Cavanin u rreshtuan argjentinasit Di Maria, Pastore dhe Lo Celso të cilëve iu bashkua më vonë edhe spanjolli Berchiche.
Francezët
Kolonia vendase e PSG-së është e përbërë nga 13 lojtarë francezë (nga 25 gjithsej). Në këtë grup kanë një peshë specifike emra si: Mbappé, Rabiot dhe Areola, por edhe Kurzawa, Kimpembe dhe Lass Diarra.
Të pavarurit
Këta janë italo-braziliani Thiago Motta, i respektuar për karrierën e tij në dhomën e zhveshjes dhe gjermani Julian Draxler që ka pak miq në grupin e lojtarëve dhe që i përkushtohet më së shumti jetës së tij familjare.
Mik me të gjithë
Mesfushori italian Marco Verratti konsiderohet i aftë të dialogojë me të gjithë shokët e tij në italisht, frëngjisht, spanjisht dhe portugalisht. Sipmatia e bën atë të shkojë me të gjithë. ©përgatiti LAPSI.al
ish Tercini ………….shkruani shqip mor aman ,terzino ne shqip do te thote mbrojtes krahu