• |
ide | kryesore

Fundi i Shengenit? Ministri i Brendshëm gjerman kërkon kontrolle në kufi

Arkiva, Lajme, Të fundit



Ministri i ri i Brendshëm dhe i Atdheut, Horst Seehofer (CSU) ka gati një javë që sapo ka marrë detyrën, por brenda kësaj jave ai me sa duket do të marrë për vete debatin publik në Gjermani. Dhe me sa duket ia ka dalë. Pas një interviste që ndezi debatin për islamin në Gjermani, ai shton tani edhe një ide tjetër në një intervistë tjetër për “Welt am Sonntag”. “Kontrollet e brendshme kufitare duhet të vazhdojnë për aq kohë, sa BE nuk arrin të mbrojë e kontrollojë me efektivitet kufijtë e jashtëm të saj.” Sipas Seehofer “nuk shoh për një kohë të caktuar, që ajo do t’ia dalë kësaj”.

Pa Shengen pa Europë

Me sulmin kundër lirisë së udhëtimit në Europë, Seehofer tregon se ka nuhatje të mirë për momentin. Debati për refugjatët i filluar që në vitin 2015, sulmet terroriste të Parisit, Brukselit, Berlinit kanë dhënë efektin e tyre -pra që sot kemi vetëm një “hapësirë Shengen të formës së lehtë”. Duke iu referuar terrorit Suedia, Danimarka, Austria e Gjermania justifikuan rivendosjen e kontrolleve kufitare. Komisioni i BE e miratoi, por me shtojcën që ato të mos marrin karakter të përhershëm.

Nga viti 1995 marrëveshja e Shengenit garanton lirinë e lëvizjes mes 26 vendeve, mes tyre 22 vende të BE dhe jo anëtarëve si Norvegjia, Zvicra, Islanda, Lichtenshtajni. Heqja e kufijve të brendshëm duhej të zëvendësohej nga kontrolli i rreptë i kufijve të jashtëm. Komisioneri i BE për punët e brendshme, Dimitri Avrampopulos nuk u lodh së përsërituri se “nëse vdes Shengen, vdes Europa”. Bullgaria që mban presidencën e radhës kërkon që nga maji të reduktohen kontrollet e përkohshme kufitare. Ministrja e Jashtme bullgare, Ekaterina Zaharieva u shpreh se kufijtë e zonës Shengen duhet të jenë të hapur, që ekonomia të mos dëmtohet.

Zgjedhjet në Bavari dhe idetë e Seehoferit

Për Seehofer kjo nuk ka shumë rëndësi. Ai madje foli për median gjermane për zgjerim të ndjeshëm të kontrolleve kufitare. Nëse Seehofer del e kërkon i vetëm zgjerimin e kontrolleve kufitare Komisioni Europian mund të reagojë duke e parë veprimin gjerman si shkelje të marrëveshjes. Një rirregullim i marrëveshjes kërkon miratimin e të gjithave vendeve anëtare. Por Seehofer rrezikon grindje jo vetëm me BE, por edhe brenda koalicionit me CDU e SPD. Marrëveshja e koalicionit e nënshkruar edhe nga Seehofer përmban edhe fjalinë: “Ne jemi të një ujdie lidhur me refuzimin ndaj proteksionizmit, izolacionizmit dhe nacionalizmit. Kemi nevojë për më shumë e jo më pak bashkëpunim në botë.”

Shumë vetë në rrjetet sociale shprehen se Horst Seehofer ndjek me debatin për kontrollet kufitare qëllime të tjera. Duke pasur parasysh zgjedhjet e landit në Bavari, ai mund të dëshirojë të nxjerrë në pararojë CSU-n si forca nxitëse e sigurisë dhe ruajtjes së kufijve. Nga kampi i majtë ai duhet të dëgjojë kritika, se ai synon të rifitojë votuesit konservatorë që kanë shkuar tek partia populiste e djathtë, AfD. /DW/



1 Comment

  1. TASHME GJERMANIA DHE EVROPA DUKE MBYLLUR KUFIJT PO MBYLLET BRENDA VETES .KETO KOSTO QE GJERMANIA DHE EVROPA PRETENDON SE U VIN NGA JASHTE JANE NGA PADREJTESIT DHE KOSTOT QE U DERGUAN NE SHPIN E TJEREVE ME POLITIKAT DHE DHUNEN 1 SHEKULLORE ,EVROPA MBETET ME DY RRUGE ASE TE HAPIN KUFIJT OSE TE IZOLOHET SE JO SHUM KOHE PAS DO FILLOJNE TE NDRYSHOJNE MARDHENIET ATJE KU KISHTE NDIKIM EVROPA DO BEHET MARRVESHJE ME DIKE TJETER NGA TE GJITH KJO ESHTE BRENDA NATYRALITETIT TE DOMOSDOSHMERIVE,NE NATYRALITETIN NJERZORE KESHTU QE AS TJERET SDO PRANOJNE KOSTO NGA EVROPA ,KESHTU QE EVROPA AKOMA NUK KA KUPTUAR SE CFAR U KA BERE TJEREVE CFAR I KA BER VETES DHE CFAR PO I BEN ME KETE DHOJ PAPJEKURIET TE PAIMAGJINUESHME PO CFAR MENDUAN KETO SE DO TI VEN TJERET NE RRESHT PER NJE COP BUK DHE DO SILLEN SI TE DUAN ME KE TE DUAN ,,ESHTE NE DOBIN E EVROPES TE RIVLERSOJN QENDRIM SE FOVOORET NUK JANE GJITHNJE NE ANEN E SAJ ,KY ESHTE MENDIMI IM DUKE VLERSUAR HISTORIN TE TASHMEN DHE PRESPEKTIVEN SIPAS LEVIZJEVE QE MERREN ,NE PRIURITET,

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *