Një akt terrorist u parandalua në Grenoble të Francës ditën e sotme. Raportohet se një person ka tentuar të futet me makinë mes një grupi ushtarësh, në rajonin e Isere, pranë kufirit me Italinë.
Mësohet se grupi i ushtarëve ka arritur të shpërndahet momentet e fundit, duke shmangur kështu makinën.
Sipas Tgcom, personi ende i paidentifikuar, që drejtonte makinën, një ‘Peugeot 207’ të zezë, arriti të largohej nga vendi i ngjarje.
Policia ka nisur hetimet si dhe kërkimet për kapjen e agresorit.