Ministri i Mbrojtjes së Izraelit refuzoi hetimin e OKB-së dhe Bashkimit Europian për vrasjen e 16 palestinezëve nga ushtria izraelite në Rripin e Gazës.
Pjesa bregdetare e Gazës është tronditur nga episodi më i përgjakshëm i dhunës në vitet e fundit, pasi protestat e fundit, të cilat ishin lajmëruar si paqësore, u kthyen në më shumë se të dhunshme. Forcat izraelite gjuanin me armë ndaj turmave që kundërpërgjigjeshin duke hedhur gurë.
Spitalet në Gaza kanë pritur qindra persona të ardhur me urgjencë nga protestat. Sipas mjekëve, shumica e të plagosurve ishin plagosur me armë zjarri.
Sekretari i përgjithshëm i Kombeve të Bashkuara, Antonio Guterres dhe diplomatja e lartë e BE-së, Federica Mogherini, kërkuan hetime të pavarura për këto gjakderdhje.
Por, ministri izraelit i Mbrojtjes, Avigdor Lieberman, deklaroi në një radio publike të Izraelit ditën e djeshme se nuk do të lejohet ky hetim.
“Para nga ana e ushtrisë izraelite, ushtarët bënë atë që duhej bërë. Unë mendoj që trupat tanë meritojnë të lavdërohen” – u shpreh ministri.
Izraeli akuzon qeveritarët e Gazës, Hamasin, se ka përdorur trazirat e dhunshme për të maskuar terrorin. (përktheu Lapsi.al) Izraeli vë në dukje një tentativë për sulm me armë të premten kundër ushtarëve përgjatë kufirit.
Në spitalin Shifa, në Rripin e Gazës, The Guardian zbuloi se vetëm ditën e premte u shtruan 275 palestinezë të plagosur. Shumica ishin plagosur në këmbë.
Protestat në Gazë janë quajtur nga palestinezës ‘Marshi i Madh i Kthimit’. Kjo do të jetë një demonstratë gjashtë-javore që bën thirrje që refugjatët dhe pasardhësit e tyre të lejohen të kthehen në shtëpitë e familjeve në Izrael.
Tubimet priten të shtohen të premteve, e cila është një ditë e shenjtë për myslimanët.
The Guardian, përshtati në shqip ©LAPSI.AL
Ku e si e gjene fuqine IZRAELI te kundershtoi vendimet e O>K>Bse?