• |
ide | kryesore

Gjykata kërkon arrestimin e Suel Çelës pas largimit nga Shqipëria

Arkiva



Gjykata e Krimeve të Rënda ka vendosur arrest me burg në mungesw për Suel Çelën, si njërin nga protagonistët për ngjarjen e 18 shtatorit 2017 në qytetin e Elbasanit.

Ndaj Suel Çelës adresohet vepra e vrasjes së oficerëve të policisë të mbetur në tentativë, para tregut agro-ushqimor të këtij qyteti.

Por megjithë këtë vendim të Krimeve të Rënda për përplasjen që shkaktoi furtunë në radhët e uniformave blu, arrestimi i Suel Çelës deri më tani ka dështuar, shkruan Top Channel.

Masa e shpallur nga Krimet e Rënda evidenton qëndrimin e prokurorisë që përshkruan se në fakt dyshohet se mjetin ‘Audi’ që goditi policinë e ka drejtuar Suel Çela.

Burimet thonë se provat rrëzojnë alibinë e Enea Bekteshit, i cili më herët ka deklaruar se ai e goditi policinë, dhe se e kishte kryer këtë veprim pasi ishte trembur nga postblloku dhe të shtënat.

Në atë kohë Bekteshi e përshkroi veten, nën efektin e alkoolit. Për akuzën ky version është i pavërtetë. I dyshuari kryesor tashmë është Suel Çela sipas një vendimi gjyqësor që i kërkon policisë ta arrestojë.

Suel Çela është djali i Petrit Çelës, që është gjithashtu pronari i tregut agro-ushqimor dhe që është pyetur me herët nga autoritetet.

Por pas incidentit dhe pamjeve filmike të bëra publike megjithëse emri i Suel Çelës u përmend jo zyrtarisht, asnjë nga institucionet nuk e lakoi emrin e tij zyrtarisht. Pas ngjarjes ai qëndroi në kërkim policor për më shumë se një muaj.

Ndërkohë që me dosjen e Elbasanit luhej ping pong kompetencash herë në Tiranë e herë në Elbasan, policia e ka shoqëruar në muajin dhjetor Suel Çelën.

Por atij ndërkohë rezulton t’i kishin përfunduar afatet e kërkimit policor. Në këto kushte ai është lënë i lirë, shkruan Top Channel.

Pas kësaj në referim të provave, gjykata ka shpallur masën e sigurisë arrest me burg. Por kjo masë është vendosur një javë pasi Suel Çela, siç rezulton nga sistemi TIMS, kishte dalë nga Shqipëria, i lirë dhe i patrazuar nga drejtësia.



2 Comments

  1. Ja prisni edhe pak se e ka bileten me te drejt krhimi . Ju duheni shfaros te gjithe pa perjashtim duke fillu nga e “pastra” Vitore tusha . Jeni veçse nje bande kriminelesh me pushtet , me keq se mafia.

  2. Sigurimsat e te kuqte nuk marin dot fryme pa krime. E kane oksigjen. Zoti i Madh i shkatrofte sa jete kane shkatru.dhe me shume se aq. Ishalla.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *