Presidenca ka reaguar pas raportit të ‘Freedom House’, ku ndër të tjera thuhej se ‘lufta kundër korrupsionit u godit me zgjedhjen e Ilir Metës si kreu i shtetit’. Përmes një deklarate, Presidenca thotë se zgjedhja e Metës si president është realizuar në një proces tërësisht kushtetues dhe demokratik me një shumicë mbi 3/5-at të votave.
Reagimi i Presidencës:
Keqardhje për keqpërdorimin e këtij raporti të Freedom House në funksion të axhendave të njëanshme politike në vendin tonë.
Zgjedhja e Presidentit Meta është realizuar në një proces tërësisht kushtetues dhe demokratik me një shumicë mbi 3/5-at të votave dhe në një moment kyç për stabilitetin e vendit dhe zgjidhjen e krizës politike parazgjedhore.
Në mënyrë të sforcuar dhe të njëanshme ky raport, jo vetëm deformon këto të vërteta, por në mënyrë spekulative dhe të qëllimshme kërkon të krijojë fokuse artificiale.
Në se Freedom House është i interesuar vërtet të hedhë dritë mbi korrupsionin në Shqipëri, duhet të hetojë në mënyrë të paanshme kush ka ndikuar dhe porositur këto deformime të fakteve dhe të të vërtetave në këtë raport dhe jemi të bindur se aty do të zbulojë simbolet konkrete të korrupsionit kombëtar dhe ndërkombëtar.
Për këtë qëllim jemi të hapur të bashkëpunojmë edhe me Freedom House.
Cfare thote raporti për Metën
“Lufta kundër korrupsionit mori gjithashtu një goditje me zgjedhjen e Ilir Metës si President i Republikës më 28 prill, presidenca e të cilit u bë e mundur nga votat e Partisë Socialiste. Në vitin 2011, Rama vetë e kishte cilësuar Ilir Metën si simbol të gjithçkaje që ishte e kalbur në politikën shqiptare, një vlerësim që e ka edhe një pjesë e madhe e elektoratit shqiptar”.
Përparimi i bërë në vitin 2017 për të ulur korrupsionin në nivele të ulta, thuhet në raportin e Freedom House, u zbeh nga humbja e terrenit në luftën kundër korrupsionit në nivele të larta dhe kapjes së shtetit.
Me process kushtetues President u zgjodh nje hajdut.Kete thote FH,i vetmi hajdut qe u pa me ze e figure Duke vjedhe thote Edvin Rama.
Ky kryehajdut edhe na bene maria
Megjithese jane teper te verteta ato qe thuhen per vjedhjet galopante dhe krimet e mpleksura te pushtetareve dhe politikanet tane per gati 28 vite perseri fuqia e mbrojtjes se tyre ndaj njeri tjetrit eshte e jashtezakonshme. Te pakten tu referohemi atyre pasurive te dukshme dhe te jashtezakonshme se ato te padukshme nje hetim nderkombetar mund te arrij ti zbuloj. Pse mos te thuhet i vetmi rast ne bote. Asnje nga keta balozet KRIMINEL dhe HAJDUT dhe qe kane masakruar nje Shqiperi te tere nuk po pesojne gje! E Pabesueshme! Nuk di c’fare te them. Fjale dhe vetem fjale dhe ata perseri ne pushtet!