Lulzim Basha i rrethuar nga deputetët e opozitës mbajti të bllokuar foltoren e parlamentit në shenjë proteste për protestuesit kuksianë që mbahen në burg.
Që në nisje të seancës opozita kishte vendosur të mos lejonte zhvillimin e një seance normale. Deputetët e opozitës u shfaqën me pankarta në duar ku shkruhej “Liro kuksianët” dhe “Arresto kriminelët”.
11 protestues kuksianë u lanë në burg nga gjykata sepse protestuan në Kalimash dhe shkatërruan pikën e pagesës së taksës 5 euro në Rrugën e Kombit.
Rama pranoi se bëri gabim që vendosi pikën e pagesës pa u këshilluar më parë me banorët, por protestuesit mbetën ende në burg.