Kancelarja gjermane, Angela Merkel deklaroi se edhe pse ka mospërputhje, aleanca me Shtetet e Bashkuara të Amerikës është një thesar i madh.
Merkel u shpreh se synon të diskutojë hapur edhe për çështjet më të vështira me presidentin amerikan, Donald Trump kur ajo të takohet me të javën që e ardhshme në Uashington.
“Aktualisht po kalojmë një kohë në të cilën ka edhe mospërputhje”,- deklaroi Merkel pas takimit me presidentin Emmanuel Macron në Berlin, por ajo shtoi se pavarësisht dallimeve në mendim, ajo i qëndron me vendosmëri aleancës transatlantike.
“Aleanca është një thesar i madh që dëshiroj të ushqej dhe kultivoj”,- u shpreh Merkel.
Merkel pritet të udhëtojë për në Uashington më 27 prill. Kjo do të jetë hera e dytë që Merkel viziton Uashingtonin që kur presidenti Donald Trump erdhi në detyrë, në kuadër të mosmarrëveshjeve mbi tregtinë e lirë, ndryshimeve klimatike dhe menaxhimit të marrëveshjeve dhe organizatave botërore.