Një ngjarje e rëndë është shënuar sot në Spitalin e Gramshit, ku një 43-vjeçar i është sulur me thikë mjekut dhe e ka kanosur.
Specialistët e Seksionit të Krimit në Komisariatin e Policisë Gramsh bënë arrestimin në flagrancë të shtetasit :
B.H, 43 vjeç, banues në fshatin Vinë, Njësia Administrative Pishaj, Gramsh
Arrestimi i tij u bë pasi, ky shtetas për motive të dobëta ka kanosur me mjet prerës thikë në oborrin e spitalit të Gramshit, mjekun H.K, 58 vjeç, banues në Tiranë.
Pas kësaj ngjarje policia ka arrestuar në flagrancë shtetasin B.H. dhe ka nisur hetimet për shkaqet e kësaj ngjarjeje.