• |
ide | kryesore

Flet një nga aksionerët e “Gulf”: Qytetarët të mos mërziten, kompania do të fillojë të funksionojë

Lajme, Të fundit

Bllokimi i pikave të tregtimit të karburantit, sipas njërit prej aksionarëve të “Gulf”, Apostol Doçi, i cili foli për “News 24” ka ardhur si pasojë e detyrimeve të pashlyera te Tatimet. Apostol Doçi zotëron 12,5 për qind të aksioneve në kompani dhe ai konfirmon se borxhi i papaguar është 40 milionë lekë.

“Borxhet te Tatimet, principali janë 37 milionë lekë, 3 milionë lekë janë që merr sistemi interesa, është diku te 40 milionë lekë. Gjithë borxhi nuk është shifër alarmante se kjo është pagesa e një muaji te Tatimet, ma ha mendja që deri në fund të muajit likuidimi i parë që do të bëjmë, është borxhi te Tatimet. Likuidimi i dytë është sistemimi i tollonave te populli, tek institucionet shtetërore dhe furnitorët”, – u shpreh Doçi.

Mbyllja e këtyre pikave ka shqetësuar qytetarët, të cilët, me tollona në duar, janë interesuar në këto karburante se çfarë do të ndodhë me tollonat e tyre. Aksioneri i kompanisë, Doçi, premton se situata do të ndryshojë shumë shpejt për qytetarët.

“Gjithë pikat e karburanteve ‘Gulf’, që janë diku te 52 pika, janë të bllokuara për momentin, nuk funksionojnë edhe zyrat qendrore nuk funksionojnë, sepse janë bërë disa denoncime nga qytetarët për tollonat që kanë dhënë lekët dhe nuk po marrin karburant. Iu premtoj qytetarëve që mos mërziten, sepse të gjithë qytetarët që kanë kartat dhe tollonat, “Gulf” do të fillojë të funksionojë”, – u shpreh ai.

 

 

Lini një Përgjigje

Adresa juaj email s’do të bëhet publike.

Kthehu