• |
ide | kryesore

Kanada, vrau 10 persona në trotuar, arrestohet shoferi i furgonit, i lutet policëve: Më vrisni!

Lajme, Të fundit

Policia kanadeze po merr në pyetje të dyshuarin që drejtonte një furgon me të cilin u vërsul ndaj këmbësorëve në Toronto, duke vrarë 10 personad he plagosur 15 të tjerë. I dyshuari është identifikuar si 25-vjeçari Alek Minassian dhe policia tha se nuk ishte i njohur nga autoritetet. Minassian kishte marrë një furgon me qira dhe e përdori për të goditur kalimtarë të shumtë, derisa makina u ndal.


Minassian u arrestua pak minuta pas sulmit të përgjakshëm, pas një përballjeje të tensionuar me policinë. Videot e publikuara në rrjet shfaqin të dyshuarin që shtiret sikur ka një armë, duke nxitur agjentin që të hapë zjarr. Por, ky i fundit u tregua mjaft gjakftohtë dhe mundi që të arrestojë të dyshuarin pa përdorur armë, diçka për të cilën ka marrë mjaft përgëzime.


Ndërkohë, hetuesit e Policisë së Torontos thonë se sulmi është qartësisht me dashje, por nuk janë ende të qarta motivet. Hetuesit janë treguar shumë të kursyer me detajet, ndërsa analistët thonë se fakti që i dyshuari nuk njihej nga autoritetet, e bën edhe më të ndërlikuar rastin.

Kryeministri kanadez Justin Trudeau tha se sulmi tragjik dhe i pakuptimtë i kishte shkaktuar trishtim të madh, ndërsa shtoi se qeveria është pranë viktimave dhe familjeve të tyre.


1 Comment

  1. More,si nuk ka dale gazetari i famshem investigativ,Artan Hoxha,te na i shpjegoi aresyet e ketij sulmi,sepse si expert nderkombetar,ai i merr vesh te gjitha krimet qe ndodhin,kudo dhe ne cdo kohe.Bile ai e gjen edhe se i kujt partie eshte krimineli,ose,nga kush eshte shtyre.

Lini një Përgjigje

Adresa juaj email s’do të bëhet publike.