Çështja e hetimit për mashtrim të administratorit dhe menaxherit të kompanisë “Gulf” merr përmasat e një skandali që ka të bëjë me veprimet e institucioneve shtetërore. Së pari ngjarja nisi me heshtjen e përfaqësuesve të Policisë së Shtetit dhe Ministrisë së Brendshme për faktin nëse Irakli Svanidze dhe Albano Aliko ishin vënë apo jo në kërkim.
Njoftimin për këtë çështje Policia e Shtetit e dha zyrtarisht vetëm në datën 21 prill, pra një ditë pas kallëzimeve për mashtrim dhe pasi klientë të ndryshëm po përballeshin me mungesë shërbimi për tollonat e shpërndarë nga kompania.
Në datën 21 prill në faqen zyrtare të Policisë, njoftohet se, “në datën 19 prill u referuan materialet në Prokurorinë pranë Gjykatës së Shkallës Parë Tiranë, për shtetasit I.S dhe A.A vjeç 40 e 49, banues në Tiranë, administrator dhe menaxher të një shoqërie private, pasi me anë të mashtrimit, kanë përvetësuar shuma të konsiderueshme lekësh. Nenet 143 e 194 të Kodit Penal”.
Për tri ditë me radhë Prokuroria e Përgjithshme ka mohuar që të ketë marrë nga Policia e Shtetit në dorëzim materialet në fjalë. E kontaktuar nga ResPublica, koordinatorja e Prokurorisë së Tiranës, Lorena Salillari, tha se: materialet në fjalë janë dorëzuar pranë Prokurorisë së Tiranës në datën 23 prill 2018.
Kjo është një distancë kohore prej katër ditësh që nga momenti kur dy personat u kallëzuan nga qytetarë të ndryshëm. Skandali për këtë sjellje është shumë i madh, pasi pre e mashtrimit kanë rënë edhe kompani të mëdha në tregun e hidrokarbureve dhe madje edhe institucione shtetërore.
Policia ka vënë në ndjekje aktive shtetasin Albano Aliko që në datën 19 prill dhe kjo figuron në sistemin e kalimit me jashtë por ajo ka referuar materialet në Prokurori vetëm në datën 23 prill edhe pse zyrtarisht pretendon se e ka bërë një gjë të tillë më 19 prill raporton Respublika.
Normal, nqs eshte perfshire Olsi Rama cfare pritni ju te ndodhi
POLICIA QE DUM,,,,,POLICIA QE BEN ATE QE ITHOTE PUSHTETI. KRENARIA E QELBESIRAVE, DHE E ATIJ QE LEVDOHETSI IDIOT PA PUPLA. LUM PER NE NE CDITE JETOJME.,,,,,