Një aksident tragjik ka ndodhur në rrugën Fushë Krujë-Tiranë, ku raportohet se një makinë ka përplasur për vdekje një të ri vetëm 18 vjeç.
Raportohet se i riu që humbi jetën është 18-vjeçari A. Ç, i cili ka qenë duke kaluar rrugën kur është përplasur nga makina.
Njoftimi i policisë:
“Rreth orës 18:15, në aksin rrugor Fushë Kruje-Kamzë, në vendin e quajtur Larushk, mjeti me targa AA 714 TA, me drejtues shtetasin F.Rr. ka aksidentuar me pasojë vdekje shtetasin këmbësor A.Ç. 18 vjeç, banues ne Larushk.
Drejtuesi i mjetit është shoqëruar në ambientet e Stacionit të Policisë Fushë-Krujë ku po pyetet nga ana e Oficerëve të Policisë për rrethanat e aksidentit dhe kryerjen e veprimeve të mëtejshme procedurale”, njoftoi Policia.