• |
ide | kryesore

Deutche Welle zbardh burimet gjermane. Pse u përplas Rama me deputetët e djathtë

Lajme, Të fundit



Vendimi për çeljen e negociatave të anëtarësimit me Shqipërinë dhe Maqedoninë do të  merret në samitin e BE në qershor. Deri atëherë edhe Gjermania duhet të jetë pozicionuar për qëndrimin e saj, sepse nuk është vetëm qeveria ajo që do të marrë një vendim, por edhe Kuvendi Federal (Bundestag) dhe Këshilli Federal (Bundesrat).

“Qeveria Federale dhe unë, si përfaqësues në Këshillin për Çështje të Përgjithshme, do të themi po, kur të marrim dritë të gjelbër nga Kuvendi Federal (Bundestag) dhe Këshilli Federal (Bundesrat), gjë që për momentin nuk po e shoh ende”, tha të mërkurën në Berlin deputeti socialdemokrat Michael Roth, i cili njëkohësisht është edhe ministër shteti për Europën, pranë ministrisë së Jashtme gjermane.

Në fjalën që ai mbajti gjatë një tryeze të rrumbullakët që Fondacioni Friedrich Ebert, kishte organizuar në Berlin me rastin e vizitës së kryeministrit Edi Rama, Roth tha gjithashtu se partia e tij është për hapjen e negociatave. Por shtoi se “ka rezerva të mëdha nga CDU-CSU dhe këto duhet të mënjanohen.”

Siç bëri të ditur për DW, ish-kryetari i Partisë Socialdemokrate dhe sot president i fondacionit Friedrich Ebert, Kurt Beck, dy partitë e koalicionit do të përpiqen së shpejti që të gjejnë një pozicion të përbashkët për këtë çështje: “Mes dy partive të koalicionit ka diskutime. Ka një sërë politikanesh dhe politikanësh në CDU/CSU që vërtet janë skeptikë. SPD-ja do që t’ia hapë rrugën Shqipërisë. Tani ka nisur procesi i krijimit të mendimit unë shpresoj që ai të dalë pozitiv”, tha Beck.

Marrëdhënie jo fort të mira me CDU-në

Por ky proces është vështirësuar ndërkohë, për shkak të artikujve të shkruar në disa media shqiptare kundër deputetit kristian-demokrat, Gunther Krichbaum. Kryetari i Komisionit të Bundestagut për Bashkimin Europian, në të njëjtën ditë me shpalljen e rekomandimit të Këshillit të Evropës për çeljen e negociatave, tha në një intervistë për DW (shqip) se Shqipëria ka ende deficite në luftimin e korrupsionit dhe krimit të organizuar.

41776635_404

Disa media në Shqipëri iu përgjigjën këtij prononcimi me artikuj që e sulmonin personalisht deputetin gjerman. Siç bënë të ditur për DW qarqet e CDU-së në Berlin, disa deputetë demokristianë mendojnë se artikujt që e akuzonin deputetin gjerman si pro-rus dhe pro-serb dhe si vegël të opozitës shqiptare, vinin nga autorë të afërm me Partinë Socialiste.

Kjo ishte arsyeja se përse deputetët rreth grupit parlamentar për Ballkanin Perëndimor, në shenjë solidariteti me kolegun e tyre, vendosën të mos i përgjigjeshin ftesës që u kishte bërë kryeministri Rama në një nga restorantet më luksoze dhe ekskluzive të Berlinit. Këtë ia konfirmuan DW (shqip) dy deputetë të këtij fraksioni. Ndërsa zyra e Gunther Krichbaum-it, i tha DW se tashmë është anuluar edhe vizita që Gunther Krichbaum kishte planifikuar të bënte në Shqipëri në fillim të muajit të ardhshëm.

Edhe pse kreu i qeverisë shqiptare, gjatë seancës dëgjimore në Komisionin e Bashkimit Europian, u distancua nga artikujt në fjalë, deputetët mendojnë se kjo mënyrë e të përgjigjuri ndaj kritikave me akuza personale është një shenjë presioni. “Kjo fushatë nuk ka të bëjë me zotin Krichbaum, këtu dërgohet hapur një sinjal brenda vendit. Ne shpifje për ata që dalin kundër nesh”, i tha DW referenti i një deputeti që kishte refuzuar pjesëmarrjen në darkën e kryeministrit.

Krichbaum ndërkohë, pas kthimit të Ramës në Tiranë e konfirmoi edhe njëherë hapur qëndrimin e tij  kundër çeljes së negociatave me anë të një mesazhi në rrjetet sociale.

“Progresi i arritur deri tani është i pamjaftueshëm”, argumentoi Krichbaum pa dhënë hollësi të mëtejshme se çfarë duhet të bëhet në Shqipëri për të arritur përparimet e duhura.

Impakti për qëndrimin e Gjermanisë

Krichbaum është i vetmi politikan i CDU-së që ka dalë hapur deri tani kundër çeljes së negociatave. Se sa deputetë të partisë së tij janë kundër fillimit të negociatave, kjo nuk dihet. Vëzhgues mendojnë fraksioni i CDU/CSU-së nuk e ka përmbyllur ende procesin e formimit të një qëndrimi.

Por çeljen e negociatave e mbështesin edhe deputetë të fraksioneve të tjera parlamentare që aktualisht janë në opozitë. Të tillë janë Të Gjelbrit. Manuel Sarrazin, deputet i kësaj partie dhe anëtar i Komisionit të Bundestagut për BE-në e shikon të nevojshme çeljen e negociatave:

“Kush ka interes ta nxisë qeverinë shqiptare të çojë përpara reformat, duhet të kuptojë se çelja e negociatave na jep më shumë instrumente për të kërkuar transformime konkrete, sesa po t’i zvarrisim ato pa afat”, tha Sarrazin në një intervistë për DW shqip.

Sipas Sarrazinit, i cili ishte vetë në Shqipëri para pak kohësh, parakushti për hapjen e negociatave, Vettingu, është plotësuar. “Shqipëria është një vend kyç për integrimin e suksesshëm të Ballkanit Perëndimor në BE dhe  momenti aktual është shumë vendimtar për të qenë i suksesshëm në të gjithë rajonin”, argumenton Sarrazin.

Reformat vazhdojnë

Si për Ramën ashtu edhe për favorizuesit e tjerë të çeljes së negociatave është e qartë se negociatat nuk do t’i japin fund reformave. Prandaj edhe ministri i shtetit Roth, përveç premtimit për angazhimin e tij të fortë për çeljen e negociatave i shprehu kryeministrit shqiptar disa shqetësime, që mund të kuptoheshin edhe si fusha në të cilën mund të fokusohej puna e qeverisë shqiptare për t’ua bërë më të lehtë të lëkundurve që të ndryshojnë mendim në favor të Shqipërisë.

43544496_404

Roth tha se shpreson që të hapet një proces ndaj ish-ministrit të brendshëm Saimir Tahirit, “në mënyrë që të bëhet e qartë se organet e drejtësisë janë të pavarura.”

Ai po ashtu tërhoqi vëmendjen që të mos nënvleftësohet ekonomia, në mënyrë që edhe brezi i ri të shohë një perspektivë në vendin e tij: “Gëzohemi për çdo shqiptar të ri që është i diplomuar dhe vjen në tregun e punës në Gjermani. Por ky largim i madh i trurit (brain drain) është i padrejtë për Shqipërinë”, tha politikani gjerman. Ju keni nevojë për të rinjtë, sepse pa këtë brez të ri e të kualifikuar do ta keni të vështirë ta ankoroni vendin tuaj në mes të Evropës.

Roth u ankua edhe për fenomenin e polarizimit total që sundon në sistemin politik në Shqipëri, por edhe në shumë vende të tjera të Evropës Lindore, ku rivali politik shihet si armik: “Sjellja e opozitës në parlament është e papranueshme. Nuk mund të ndërpritet thjesht puna parlamentare dhe të dalësh nga parlamenti. Duhen shfrytëzuar instrumentet demokratike”, tha ministri gjerman dhe shtoi: “Por unë pres që qeveria dhe partitë qeveritare të bëjnë gjithnjë tre hapa përpara drejt opozitës dhe të mos presin derisa të vijë opozita dhe të bëjë një hap drejt tyre.”

Një sugjerim tjetër i ministrit gjerman për kryeministrin Rama por edhe për liderë të tjerë në Ballkan, ishte përfshirja e shoqërinë civile në rrugëtimin drejt Europës. “Nëse nuk e bëjmë ne, do të hyjnë të tjerët që do ta plotësojnë këtë boshllëk”, tha ai duke pasur parasysh ndikimet nga Turqia, Rusia apo Kina./DW.



12 Comments

  1. Si mund te jen kaq te poshter dhe kaq antishqiptar njerez te till qe per icik kapital politik shesin dhe nenen e tyre e jo me Shqiperin. Po kujt i plasi bytha per Ramen. Ketu po diskutohet per fatin e Shqiperis o derdimena. Si mund te ket shqiptar qe te gezohet me moshapjen e negociatave. nuk eshte e mundur te rrjedh gjak shqiptari ne venat e tyre. Kur behet fjal per progresin e Shqiperis nuk duhet te ket ndasi politike (si cdo vend tjeter normal ne bot) po ne qekemi e keqja e vetes ton. keta provincial te prapambetur, inacor e dritshkurter duhet te shporren nga skena politike dhe te gjejn nje shtet qe te ndihen me mir (Serbin a Greqin) pasi nuk jan shqiptar. Te ishte per ate pun as rumunet e as bullgaret nuk ishin per BE por ja qe jan e kan perfituar miliarda dollar per vendet e tyre nga fondi i BE. SHQIPE DUAJE VENDIN TEND DHE MOS LEJO TE BEHESH LESHKO E POLITIKES ORDINERE E HALABAKE AKTUALE SHQIPTARE. HAPJA E NEGOCIATAVE ESHTE VETEM NE INTERES TE POPULLIT.

    1. Keta nuk e shikojne se ceshtja u perket shqiptareve as qe se ruajne per shqiptaret, keta te shkaterohet edhe te digjet cdogje, vetem Rama te iki, koncepti i tyre ska kufi ne demin tone edhe jo se jane antishqiptare, por se nuk e kuptojne qe behen te tille, Italianet apo cdo indivit ne bote behen copa te tregojne vlerat sa me te mira te vendeve te tyre, kurse ne vrerin e kemi ne goje, por harojme qe largojme cdo te mire qe i vine vendit tone ne te ardhemen

    1. se kemi me keta keto po me loqet si puina jote qe bejn politik me fatin e Shqiperis dhe shqiptareve. ti me ke parti je tifoz.

    2. ti loqia te kuptosh qe kur bene propogande kunder vendit tende je antishqiptare, apo per ty eshte patriot, prandaj futja nje pjate makarona edhe shiko endra

  2. po ca fati te shqiperise flet ti kur dhe nickname e ve ne italisht dhe qe eshte shprehje padrinosh. Ik se na cate karin ju atdhedashurit falso qe ju ve Rama te shkruani me pahir. Shqiperia nuk mund te integrohet ne Europe me nje kryeminister te tille dhe nje qeveri mafioze e lidhur me trafikun nderkombetar te droges.Sa per dijeni Shqiperia fatkeqesisht perfaqesohet nga kjo qeveri, keshtu qe mos merrni zjarr si pushka jevgut

    1. shko mor rrok kari se as fjala nickname nuk eshte shqip. na mesoke ti. shprehja eshte ironike per klasen ton politike po ku mer vesh ti. kush po mbron kryeministrin o pallosh. po cdo gje qe ben perpara per integrimin eshte ne favor te shqiptareve te vertet dhe jo loqeve si puna jote qe e kan mendjen per tifozllik partish. ik futi nje pjat caj pastaj komento shkrimet e mia.

  3. o debil duket qe je rritur ne konvikt ku caji u jepej konviktoreve me pjate, se normalisht caji pihet me gote dhe ne Angli eshte per lukd. Nejse mua sme plas shume trapi o bole se jetoj ne amerike por shqiptaret apo kushdo komb tjeter integrohen nepermjet qeverive. Pra cdo popull meriton qeverine qe ka, perndryshe nqs do te shkoje ne europe duhet te ndryshoje ne rradhe te pare mentalitet/ Po me rob si ty vajmedet sd qe ka shans. Dhe ironine e paske shume “therese”

    1. a ku mer vesh ti IRONI. ti qeke rrot kari komplet , jo ne Amerik te jetosh ti po dhe ne Hene majuc kari do ngelesh. Normale qe meritojm kete qeveri me majuca kari si puna jote.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *