• |
ide | kryesore

Flet Allegri: Arbitri e bëri shumë mirë detyrën

Sport

Fillimisht lart, më pas poshtë dhe në fund sërish në delir. Një natë e çmendur ajo e popullit juventin që sheh triumf pas humbjeve të hidhura kundër Real dhe Napoli. Protagonist i kësaj ndeshjeje është padyshim trajneri Massimiliano Allegri.


“Ishte një mbrëmje e bukur futbolli mes dy skuadrave që u përballën në një lojë të hapur. Dëshironim fitoren që të dyja skuadrat. Në pjesën e parë bëmë shumë mirë duke qenë shumë agresivë. Më pas u përgjumën pas pushimit dhe shkuam në disavantazh. Në fund Interi ra shumë fizikisht dhe ne e shfrytëzuam. Duhet tu bëj komplimente djemve sepse ishte një fitore e rëndësishme për titullin” – thotë Allegri.


“Për fat të mirë djemtë gjetën momentin e duhur sepse në një minutë ndodh ta humbësh ose ta fitosh ndeshjen. Të fitosh në San Siro është shumë e komplikuar. Ata me 10 lojtarë bënë shumë mirë dhe e dimë që për të fituar kampionatin duhet t’i fitojmë të gjitha ndeshjet” – shton ai.

“Arbitri? E bëri shumë mirë detyrën. Në Itali gjykimi është shumë i debatueshëm. Orsato është një nga më të mirët dhe ishte në lartësinë e tij. Ndeshje e fituar falë lojës së Dybala dhe Higuain? Në fund diferencën e bëjnë lojtarët e mëdhenj. Nëse do të ishin të gjithë njëlloj nuk do të vlente njëri 100 milionë dhe tjetri vetëm një. Bëmë detyrën tonë ndaj Interit” – e mbyll Allegri. ©LAPSI.al

Lini një Përgjigje

Adresa juaj email s’do të bëhet publike.

Kthehu