Vetëm një ditë pasi plasi sherri në Twitter mes këngëtarit John Legend dhe reperit Kanye West ata janë parë nën shoqërinë e njëri – tjetrit.
Ka qënë “Baby Shower” i bashkëshortes së Legend Chrissy Teigen eventi që ka bërë bashkë dy miqtë e vjetër.
Ka qënë Kim Kardashian, bashkëshortja e West që ka postuar fotot e të dyve duke bërë të ditur për fansat që marrëdhëniet mes palëve janë shumë të mira pavarësisht përplasjeve të mendimeve.
Yjet e muzikës kërcenin me njëri – tjetrin dhe argëtoheshin në shoqërinë e familjarëve dhe miqve të tyre.
Vetë Kanye ka postuar një foto në Twitter me mikun e tij ku duken të qeshur në praninë e njëri – tjetrit.
Gjithashtu reperi postoi një video të këngëtarit që luante në piano ku mbishkruante “ Udhëhequr nga dashuria”.
Kujtojmë që palët patën një konflikt përsa i përket mbështetjes që Kanye West ka për presidentin e Amerikës Trump dhe miku i tij John nuk bie dakort me këtë fakt, pasi nuk pëlqen politikat e udhëheqësit të SHBA.