Familja Buci nuk do ta falë vrasjen e 53 vjeçarit, pavarësisht braktisjes që i ka bërë familja ekzekutorit. Pas intervistës që dha babai i Vladimir Kurtit, që e quajti të birin një monstër që duhet dënuar me varje, ka folur vëllai i viktimës. Ai tregoi për gazetarët se fëmija 6 vjeç që pa ngjarjen, ende nuk e di se i ati i ka vdekur. Familja është e shqetësuar për faktin se çfarë traume të dytë mund të përjetojë ai pasi i vogli po pret që i ati të dalë nga spitali, ku “po operohet”
Vëllai i viktimës i është drejtuar publikisht, babait të Vladimir Kurtit që të ta vrasë vetë të birin kriminel, jo të bëjë thirrje ta vrasë shteti. “Nëse ka rritur monstër dhe e dënon, atëherë le ta vrasë vetë. Këto akte i bëjnë vetëm terroristët. I ati ta çonte të birin në polici para se të vriste një familje. Dhe ai vetë të shkojë në burg se s’ka rritur fëmijë të mirë.”