Një aksident i rëndë ka ndodhur në Kurbin, në fshatin e quajtur Adriatik. Një makinë ka rënë në kanal dhe është përmbysur, ndërsa dyshohet për viktima.
Mësohet se brenda mjetit ndodheshin tre të rinj, gjendja e të cilëve nuk dihet ende, por nga informacionet e para dyshohet të kenë vdekur, ndonëse policia nuk e konfirmon këtë informacion.
Dyshohet se shkak për aksidentin ka qenë fakti se drejtuesi i mjetit ka qenë në gjendje të dehur.
Policia është nisur drejt vendngjarjes. Mësohet se mjeti ka rënë nga ura gjatë lëvizjes, ndërsa trupat e tre të rinjve ndodhen brenda dhe po nxirren jashtë nga policia.