Ministria e Jashtme greke, përmes një komunikate për mediat ka reaguar në lidhje me nisjen e bisedimeve me vendin tonë për çështjen e detit.
Në reagim thuhet se takimi parë ishte konstruktiv dhe bashkëpunues.
“Raundi i parë i bisedimeve midis Greqisë dhe Shqipërisë mbi zonat detare të kufirit u mbajt sot, më 30 prill 2018, në Tiranë. Takimi u zhvillua në një klimë konstruktive dhe bashkëpunuese”, – bëhet me dije nga ministria e Jashtme greke.
Dje ishte ministria jonë ajo që njoftoi për një takim mes teknikëve të dy vendeve të mbajtur në Tiranë.