Një tërmet me magnitudë 6.9 ballë goditi Big Island në Hawaii.
Bëhet fjalë për tërmetin më të fortë, regjistruar që nga 1975-a deri më sot në arkipelag, ku prej ditësh ndodhin shpërthime të vullkanit Kilauea.
Mijëra vetë u evakuuan dhe shqetësimi për llavën që mund të ridalë dhe gazrat toksikë, është gjithnjë në rritje tek qendrat e banuara.
Autoritetet e ishullit evakuuan disa prej banorëve dhe izoluan zonën. Ekspertët e kanë përjashtuar alarmin e një tsunami të mundshëm.
Observatori vullkanologjik i Hawaiit referon se rrjedhja e llavës po spostohet në drejtim të lindjes së Puna-s, një zonë kjo e pasur me pyje dhe të mbjella.