Tani nuk ka mrekulli që e ndryshon historinë. Torino (kur është e shkruar, eh…) ndali Napolin (2-2_ duke i dhuruar Juventusit kampionatin: i shtati rresht që fiton. Sepse në këtë pikë, është matematikisht e pamundur t’i ikë bardhezinjve. Napoli është -6 pikë nga Juve. As përballjet direkte nuk kanë më asnjë vlerë, sepse në barazim të plotë (1-0 e bardhezinjve në fushën e kundërshtarit me gol të Higuain, dhe 1-0 për napolitanët në kthim, gol i Kulibali). Tani, nëse Juve humb dy ndeshjet e tjera (kundër Romës në Olimpico, dhe në shtëpi me Veronën) dhe nëse napolitanët fitojnë tek të dy ndeshjet e mbetura (në Marasi me Sampdorian dhe në shtëpi me Krotonen), do të llogaritej diferenca në gola (plus 16) që ia jep kampionatin Juventusit. Në ndeshjet e mbetura, Napoli duhet të shënojë 16 gola dhe të shpresojë që Juve të mbetet thatë. Dhe kjo është shumë edhe për një mrekulli…