Prokurori i Përgjithshëm i Nju Jorkut Eric Schneiderman ka dhënë dorëheqjen pas akuzave për abuzim seksual te bere ndaj tij nga katër gra.
Dorëheqja erdhi pasi revista New Yorker botoi një raport duke cituar gratë që akuzuan Schneiderman, 63 vjeç, se ai kishte abuzuar seksualisht me to. Dy u identifikuan si ish-të dashurat e tij.
Schneiderman – i cili kundërshton akuzat – ka qenë një mbështetës i zëshëm i lëvizjes #MeToo kundër ngacmimeve seksuale.
“Në intimitetin e marrëdhënieve intime, unë jam angazhuar në aktivitete seksuale por gjithmone ne menyre konsensuale. Unë nuk kam sulmuar askënd, nuk kam qenë kurrë i angazhuar në seks jo konsensual, i cili është një linjë që nuk mund ta kaloj”- ka thene ai.
Me pas i kundeshtoi te gjitha akuzat me force, por deklaroi se dote lere detyren. “Edhe pse këto akuza nuk janë të lidhura me sjelljen time profesionale apo me veprimtarinë e zyrës, ato në mënyrë efektive do të pengojne punen”- tha ai.
Guvernatori i New Yorkut Andrew Cuomo kishte kërkuar dorëheqjen e Z. Schneiderman, pas raporteve te bera publike
“Askush nuk është mbi ligjin, duke përfshirë zyrtarin e lartë ligjor të Nju Jorkut,” tha ai. “Unë nuk besoj se është e mundur që Eric Schneiderman të vazhdojë të shërbejë si prokuror i përgjithshëm”. Cuomo tha se do t’i kërkonte një prokurori për të hetuar akuzat.
Dy gra – Michelle Manning Barish dhe Tanya Selvaratnam – i thanë The New Yorker se Schneiderman i kishte goditur vazhdimisht, shpesh pasi kishte pirë shumë.
Të dy gratë gjithashtu thanë se ai kishte kërcënuar se do t’i vriste nëse do t’i jepnin fund raporteve me te.
“Pas muajit më të vështirë të jetës sime – kam folur,” shkruante Manning Barish në Twitter pasi u publikuan akuzat.
“Për vajzën time dhe për të gjitha gratë, nuk mund të heshtja dhe të inkurajoj gratë e tjera që të jenë të guximshme për mua”.