Tre persona u plagosën rëndë në një aksident pasditen e sotme në fshatin Larushk të Fushë-Krujës.
Një makinë tip ‘Benz’ me targa AA516 BB është përplasur me një ‘Opel’ me targa të Korçës e më pas ka përfunduar duke u përplasur me një bordurë betoni jashtë rrugës.
Të plagosur rëndë kanë mbetur tre persona, të cilët janë dërguar me urgjencë në spitalin e Traumës në Tiranë.
Dyshohet se shkak për aksidentin është bërë një parakalim i gabuar i ‘Benz’-it.