Operacioni policor ‘Dekani” vuri në pranga 7 persona si pjesë të një rrjeti korrupsioni në universitetin e Elbasanit. Ndërkohë të akuzuarit kanë dalë para gjykatës ditën e sotme për të marrë masën e sigurisë.
Shefja e Departamentit të Gazetarisë, Elvira Lumi e akuzuar për “shpërdorim detyre”, pjesë e skemës së korrupsionit të ngritur në Fakultetin e Shkencave Humane në Universitetin “Aleksandër Xhuvani” është shfaqur e tensionuar në sallën e gjykatës.
Në pritje të vendimit të gjykatës, teksa ndodhej në kafazin e të pandehurve, Lumi shfaqet tejet e irrituar dhe thotë se nuk ka nevojë për avokat. Ndërsa avokati i afrohet tek kafazi, ajo bën shenja që ai të largohet dhe shprehet se nuk ka nevojë për të. Mësohet se ajo do të mbrohet nga avokatja Sonila Leci.
https://www.youtube.com/watch?time_continue=8&v=o1bKDMhK56Y