Dasma mbretërore është evenimenti i vitit dhe të gjithë janë kuriozë të dinë se kush është i ftuar dhe kush jo. Me një pyetje të tillë është përballur edhe Rihanna, nga një gazetare e cila ishte kurioze të dinte nëse këngëtarja do të shkonte në dasmën mbretërore.
Siç dihet Rihanna e ka takuar princ Harry-n në vitin 2016 gjatë një eventi të organizuar nga Barbados National HIV/AIDS Commission. Në fakt Rihanna as nuk e kishte idenë kur ishte dasma mbretërore. Ajo që nuk pritej ishte përgjigja e këngëtares, e cila ia ktheu: “Çfarë të bën të mendosh se më kanë ftuar?” Ndërkohë që gazetarja i është përgigjur: “Nuk e di, ngaqë e ke takuar Harry-n.”
“Në rregull. Edhe ti më takove mua, mendon se je e ftuar në dasmën time?” –i është përgjigjur me humor Rihanna. Kurse gazetarja duke qeshur ka përfituar nga rasti për të ftuar këngëtaren në dasmën e saj.