Fansat e zjarrtë të Michael Jackson janë aq të fiksuar ndaj tij, performancës që ai bënte dhe energjisë që jepte në skenë sa duan që gjatë gjithë kohës ta kopjojnë me sa munden idhullin e tyre. Shumë nga ata janë munduar që të bëjnë kërcimin karakteristik të Michael Jackson por duket se shumë prej tyre kanë përfunduar me fraktura dhe të dëmtuar në shputën e këmbës dhe kyçin gjatë kohës që janë munduar të kërcejnë.
Por, sipas doktorit të njohur të klinikës Amerikane “Diamond Medical”, ka pasur një sekret në kërcimin e Michael Jackson. Ky sekret ka qenë i fshehur pikërisht tek këpucët që kanë qenë të dizejnuara nga vetë ylli i pop-it. Në pjesën e takës, Michael Jackson kishte ideuar një trekëndësh i cili bënte të mundur ngritjen në ajër të këngëtarit në majë të gishtave fiks në momentin e duhur.