Jurgen Klop njihet për sensin e humorit, dhe batutat para e pas ndeshjeve. Diçka të tillë, trajneri gjerman i Liverpulit nuk e ka harruar edhe para sfidës, nga më të rëndësishme të karrierës së tij, atë ndaj Realit të Madridit në finalen e Champions League.
Teksa pyetet nga një gazetar i ESPN, zëri i këtij të fundit është shumë i trashë, dhe teksa prezanton veten, tekniku ia pret duke i thënë se e mban mend zërin e tij. Më poshtë, edhe dialogu me batuta mes Klop dhe gazetarit. Martin Ainstin të ESPN.
Gazetari: Jurgen, Martin Ainstin nga ESPN.
Klop: Më kujtohet zëri yt. Nuk qenka përmirësuar fare.
Gazetari: Nuk do përmirësohet ndonjëherë. Kam lindur me këtë zë.
Klop: Vërtetë? (qesh.)
Gazetari: Edhe mamaja ime është habitur.
Klop: Edhe kur ishe 2 vjeç, e kishe këtë zë?
Gazetari: Në fillim ishte pak i frikshëm.
Klop: Jam i sigurt që do ketë qenë i frikshëm.