Agresori që kreu sulmin e djeshëm në Belgjikë, vrarë dy oficere policie dhe një kalimtar, kishte kryer një tjetër vrasje një ditë më parë, zbuloi ministri i Brendshëm i vendit.
Ministri Jan Jambon tha se sulmuesi, i identifikuar si Benjamin Herman, kishte vrarë një ish-të burgosur me të cilin ishte njohur në qeli.
Prokurorët thanë se po e trajtojnë çështjen si akt terrorist. Agresori gjithashtu mori peng një pastruese të një gjimnazi në qytetin e Liezh.
Zyrtarët thanë se 31-vjeçari kishte thirrur “Allahu Akbar” disa herë para se të kryente sulmin.
Ai ishte lënë i lirë përkohësisht nga burgu të hënën, ku po vuante dënimin për vjedhje dhe drogë.