Presidenti Ilir Meta dekoroi mbrëmjen e sotme personalitete të shquara të artit dhe kulturës së qytetit të Korçës.
Me titullin ‘Mjeshtër i Madh’ u dekoruan kompozitori Josif Minga dhe aktori Zhani Ziçishti.
Dirigjenti i njohur korçar, Pandi Bello, u dekorua me titullin ‘Naim Frashëri’, ndërsa aktori Arben Dervishi u dekorua me titullin ‘Për merita të veçanta civile’.
Titujt e vlerësimit u dorëzuan në emër të Presidentit Meta në skenën e Teatrit “Andon Zako Çajupi” nga këshilltarët e Tij, Tedi Blushi dhe Brunilda Paskali.