Kryeministri i Spanjës, Mariano Rajoy, i prekur nga një skandal korrupsioni, u rrëzua sot nga Parlamenti nga një mocion mosbesimi.
Parlamenti i dha votëbesimin, liderit socialist, Pedro Sanchez.
Rajoy është kryeministri i parë në Spanjën moderne që është rrëzuar me një mocion mosbesimi. Lideri i Partisë Popullore konservatore ka qënë kryeministër që nga viti 2011.
Mocioni i mosbesimit u miratua me një maxhorancë prej 180 deputetësh nga 350.
Mariano Rajoy në fund të seancës tha: “Ka qënë një nder që e lash Spanjën më mirë se sa e gjeta”.