• |
ide | kryesore

Zbulohet dokumenti/ Holanda kundër hapjes së negociatave me Shqipërinë

Lajme, Të fundit



Holanda deklarohet kundër hapjes së negociatave për Shqipërinë dhe Maqedoninë. Qëndrimi është shprehur qartë në një dokument të qeverisë holandeze, të siguruar nga Tv Klan, mbi vlerësimin e paketës së zgjerimit për vitin 2018.

Dokumenti përmend përparimet e theksuara edhe në rekomandimin pa kushte te Komisionit Europian, në reformën në drejtësi, reformën në administratën publike, luftën kundër korrupsionit dhe krimit të organizuar apo mbrojtjes së të drejtave të njeriut.

Por qeveria holandeze thotë se nuk është ende e bindur për të votuar pro rekomandimit pa kushte për të hapur negociata.

“Qeveria ka ende shqetësime të mëdha në lidhje me dy prioritete te tjera; lufta kundër korrupsionit dhe krimit të organizuar. Siç thekson me të drejtë Komisioni, numri i dënimeve mbetet i ulët. Ka shumë paqartësi edhe në procedurat e prokurimit publik. Është thelbësore që Shqipëria të vazhdojë të punojë në arritjen e rezultateve konkrete, të ndjekë, hetojë dhe dënojë krimin e organizuar dhe korrupsionin në të gjitha nivelet.

Për sa u tha më sipër, Holanda nuk është e bindur që dhënia e rekomandimit pa kushte nga Komisioni Europian për hapjen e negociatave të anëtarësimit me Shqipërinë është rruga që duhet ndjekur. Shqipëria duhet që të vijojë të punojë mbi pesë prioritet kyçe të reformës, në veçanti me luftën kundër korrupsionit dhe krimit të organizuar. Vetëm kur të jenë plotësuar kushtet e vendosura nga Komisioni mund të hapen negociatat e pranimit”.

Sa u përket kritereve ekonomike, komisioni thotë se Shqipëria është e përgatitur për zhvillimin e një ekonomie tregu funksionale dhe se tashmë është plotësisht e lidhur me politikën e jashtme të Bashkimit Europian. Teksa Komisioni raporton se numri i kërkesave për azil mbetet i lartë në Shtetet Anëtare të BE, dokumenti i qeverise holandeze thekson se bashkëpunimi i përforcuar midis Shqipërisë dhe shteteve anëtare ka dhënë rezultate pozitive, por janë të nevojshme masa plotësuese.

Përsa i përket Maqedonisë, Holanda thotë se negociatat mund të hapen vetëm kur të nisë implementimi i reformave prioritare në drejtësi apo në dialogun politik, si dhe me zgjidhjen e konfliktit me Greqinë për çështjen e emrit. /Tv Klan



7 Comments

  1. Asnje fjale per burimin e lajmit ??? vetem ‘ TV KLAN’ ..

    Ore gazetare eshte thelbi i gazetarise te jepet nje fare burimi se ku dhe si doli ky dokument .

    Eshte vendim qeverie, apo vendim parlamenti apo vendim i nje komisjoni ekspertesh apo mendimi i nje parlamentari te vetem apo apo apo. ?????

    Cdo njeri nuk e di nese eshte FAKE NEWS apo nje gje konkrete nga qeveria Hollandeze.

    Procedura eshte e qarte : Komisjoni per mardheniet eruopiane ne ministrine e jashtme hollandeze i rekomandon qeverise qe ‘ po , ose , jo ‘ me shqiperine dhe pastaj qeveria e con rezoluten en parlamentin hollandez i cili jep pergjigjen perfundimtare.

    Me sa di une deri tani asgje zyrtare nuk ka dale nga kete institucione .

  2. Burimi me siguri duhet te jete babaleja. Holanda nuk pjerdh per asnje shtet te ballkanit ,madje edhe te europes jugore.Kaq e dine edhe femijet por eshte akoma me e pabesueshme qe qeveria holandeze te jape dokunente sekrete per tv te ballkanit . Karllik ne fuqi te 3.

      1. eehhh te cafte ujku te cafte !

        E pe ujkun ti apo me te degjuar e ke ? Apo bertet TV Klan Uku Ujku dhe filloni ju Gomeret anal-izat tuaja te thella ala bushati dhe ne fund arrini ne perfundimin :

        ‘Rama duhet te japi dorheqjen’

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *