Tarifa në Rrugën e Kombit për banorët e Kukësit dhe zonave përreth pritet të jetë 100 lekë për një kalim ose 200 lekë vajtje ardhje. Ndonëse fillimisht u përfol se taksa e kalimit për banorët dhe përdoruesit e shpeshtë do të jetë 1.5 euro, qeveria duket se ka vendosur të miratojë një nivel më të ulët duke e bërë pagesën 100 lekë për kalim.
Efekti financiar nga ulja e taksës pritet të jetë i konsiderueshëm, duke ulur me disa milionë euro të ardhurat që mblidhen në stacionin e pagesës. Por këto para nuk do të paguhen nga koncesionari privat. Ato do të kompesohen plotësisht nga qeveria, përmes pagesave nga buxheti i shtetit, ashtu siç parashikohet në kontratën koncesionare.
Tarifa e kalimit në rrugën Durrës-Kukës u vendos për herë të parë në fillim të muajit prill në masën 5 euro për një kalim ose 10 euro vajtje ardhje. Në kontratën e koncesionit parashikohej që për banorët e zonës të kishte lehtësira, por vetëm 6 muaj pas hyrjes në fuqi të taksës derisa të identifikoheshin përdoruesit e shpeshtë. Kjo çoi në zemërimin e qytetarëve të Kukësit, të cilët dy ditë pas vendosjes së taksës protestuan duke djegur pikën e kalimit me pagesë.
Pas protestës qeveria nisi bisedimet si me koncesionarin ashtu edhe me banoret për të gjetur një formulë të re. Top Channel ka mësuar se kjo formulë, e cila parashikon pagesën 100 lekë për banorët e zonës do të paraqitet zyrtarisht javën e ardhshme, ndërkohë që kompania koncesionare po vazhdon punimet për të rindërtuar dhe ndërtuar dhe zgjeruar zonën, ku do rinise te paguhet taksa e kalimit./TCH/
Si fillim 1000 leke pastaj shofim e bejme . Po per Kosovaret ? Apo varu hebet? Bojkotojeni ose ngrihuni .
Asnji lek ore, asnji lek. I kemi dhen nje here leket. I keni ne buxhet. Guxoni e kerkoni prape leke se ate traun do ia u fusim myth.
Nje pjese me pagese dhe nje pjese nga buxheti thuhet. E bukur kjo!! Pse leket e buxhetit te kujt jane?!! Te Rames jane!! Jane tonat o njerez. I jipen ne mengjes cetit e ndahen ne darke ne surrel. Kaq e thjeshte eshte kjo skeme. Eshte vetem per te vjedhur. I keput nje kontrate 20 vjecare dhe mbyll jeten me nder. Te pangopur, hajdute ordinere jeni. NUK DUHET LEJUAR!!!!!
Dale nga dale do ti vije koha qe Shqiptaret edhe kur te vene me grate e tyre do paguajne takse
kjo nuk eshte e re se paguajm grate qe kur jemi lidhur me to keshtu dhe me edi ramen
E frikshme, te gjithe ne qe se perdorim kemi paguar 1 miliard euro qe u ndertua nga xhaxhi sali, do paguajme 5 euro sa here te kalojme, dhe do vazhdojme ta rimbursojme koncesionarin nga buxheti per ato njerez qe i sherben. Kjo vetem normale nuk eshte. Kjo eshte skeme abuzive, dhe amorale