Forumi Rinor i Partisë Demokratike dhe Lëvizja Rinore për Integrim u mblodhën edhe sot tek godina e ministrisë së Brendshme dhe kanë paralajmëruar se do të vijojnë intensivisht protestat kundër qëndrimit të Fatmir Xhafajt në detyrë.
“Qëndrimi i tij ende në detyrë është nje akt i papreçedentë. Vëllai i trafikantit ndërkombëtar të drogës Agron Xhafaj duhet të largohet nga drejtimi i Ministrisë së Brendshme si subjekt i Ligjit Antimafia”, – shprehen të rinjtë demokratë dhe ata të LSI-së.
Në mënyrë simbolike te rinjtë vendosën përpara ministrisë një ekspozite me “meme” të bera nga të rinj të pa angazhuar politikisht të cilat janë publikuar në rrjete të ndryshme sociale.
Mesazhi i FRPD në protestë:
Kuksianet janë ende ne burg, Tahiri i lirë e Xhafa ministër. Për 3 mijë lekë faturë energjie të pa paguar kryefamiljarët janë shtyrë drejt vetëvrasjes ndërsa Fatmir Xhafa është minister dhe pse ka fshehur nga drejtesia të vellain të denuar për trafik droge, edhe përse ai është subjekt i ligjit Antimafia për shkak të denimit me 7 vite burg për trafik droge në Itali të vëllait të tij.
Këto meme pasqyrojnë më se miri ironinë me të cilën të rinjtë shqiptarë trajtojnë Edi Ramën, Fatmir Xhafajn dhe Saimir Tahirin në rrjetet sociale. Sipas protestuesve, kjo treshe po bllokon integrimin e Shqipërisë së Europë.
Memet e ekspozites para ministrise se Brendshme:
Pse paguan te rinjt per karrigen tende o Lulezim kte pyetje kam une.
Kur nuk dola edhe une budallai. 50 mij lek me shume asnjerit nuk i bejn dem.
Eshte turp qe nxirren te rrinjt per tekat e atyre agallarve. Te rinjt nuk duhet ta pranojn vet kete gje se ata gjejn edhe bejn.
Te rinjt duhet te jen shembull i nje shoqerie dhe jo te jen pa shtylle kurrizore e te shesin veten per pak gje.