Martesa e Princit Harry dhe Dukeshës Mehghan më 19 maj ishte një nga ngjarjet më të bujshme të këtij viti. E teksa për ta që prej ceremonisë po shkruhet shumë, mediat e huaja shprehen se pas martesës planet e çiftit mbretëror janë që të zgjerojnë familjen. Siç edhe e do zakoni pas dasmës çiftet i përvishen punës për t’u bërë prindër dhe duket se ky është edhe plani i Princit dhe Dukeshës; të dy duan të kenë familjen e tyre. Burime për US Magazine janë shprehur se çifti po planifikon të bëhet me fëmijë dhe pas dasmës dëshira e tyre është rritur edhe më shumë.
“Ajo dhe Harry duan të fillojnë një familje menjëherë dhe ajo do të fillojë të përpiqet sa më shpejt të jetë e mundur.”,- është shprehur burimi .Aktualisht dyshja ka nënshkruar një kontratë dy-vjeçare për një shtëpi 5.4 milionë dollarëshe në Cotswolds 90 minuta jashtë Londrës. Bëhet fjalë për një ambjent prej 4mijë hektarësh nëtë cilin do të jetojë çifti.