• |
ide | kryesore

A do të ketë Vetting për Adriatik Llallën? Sot jepet vendimi nga Komisioni i Posaçëm i Apelimit

Lajme, Të fundit



Gjatë ditës së sotme Komisioni i Posaçëm i Apelimit vendos zyrtarisht për fatin e Adriatik Llallës nëse do i nënshtrohet Vettingut apo jo. Pritet që sot në orën 13:00 të bëhet publik vendimi final për ish-kryeprokurorin.

KPA shqyrtoi kërkesën e Komisionerit Publik, Florian Ballhysa, i cili kërkon që ish-prokurori i Përgjithshëm të mos përjashtohet nga Vettingu, por t’i nënshtrohet atij njësoj si e gjithë trupa e sistemit të drejtësisë. Kërkesa e Komisionerit Publik erdhi pas vendimit të KPK të cilët ndërprenë Vettingun e Llallës, pas dorëheqjes së këtij të fundit nga mundësia për të marrë një pozicion tjetër në sistemin e drejtësisë, më konkretisht në Gjykatën e Lartë.

KPA dëgjoi seancën e kaluar komisionerin publik, Florian Ballhysa, i cili deklaroi se Llalla megjithëse ka lënë detyrën në dhjetorin e vitit të kaluar, nuk është larguar si magjistrat dhe si i tillë ai duhet të kalojë në filtrat e verifikimit të pasurisë dhe figurës.

Pyetja që shtroi Ballhysa ishte nëse dorëheqja e dorëzuar nga Llalla me postë është nënshkruar apo jo nga vetë magjistrati. Ish-kryeprokurori Llalla është subjekti i parë që kalon në këtë situatë i cili pas dorëheqjes kërkon t’i ndërpritet edhe procesi i Vettingut. Pezullimi i Vettingut apo çelja e filtrave të tij për verifikimin e pasurisë dhe aftësive profesionale për Llallën, mbetet për t’u mësuar vetëm mesditën e sotme.



2 Comments

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *