Një automjet është përshirë nga flakët mëngjesin e sotëm në qytetin e Fierit.
Mësohet se mjeti tip “Benz” me targa AA320RX është djegur në lagjen “1 Maji”, te kryqëzimi i parkut në Fier, në orën 07:30.
Mësohet se makina me pronar shtetasin F.K, dhe drejtues shtetasin A.A ka qenë në ecje e sipër kur ka marrë flakë.
Si pasojë e flakëve nuk ka persona të lënduar por vetëm dëme materiale.
Në vendngjarje ka shkuar menjëherë zjarrfikësja dhe policia. Po punohet për të gjetur shkaqet e zjarrit.