Ish-kryeministri Sali Berisha bën një koment në rrjetet sociale për çështjen e godinës së Teatrit Kombëtar. Ai akuzon kryeministrin Edi Rama për “persekutim” dhe “shkelmim” të artistëve. Berisha tregon një histori nga një prej mbledhjeve të Partisë Demokratike me artistët në dimrin e 1991-it ku kishte marrë pjesë edhe Edi Rama.
“Në këtë takim kishte ardhur edhe Edvin Kristaq Rama së bashku me të ndjerin Ardian Klosi. Në takim e mori fjalën Edvin Kristaq Rama ku shtroi aty pikëpamjet e tij ekstremisto-anarkiste, për të cilat u dëgjua por nuk gjeti asnjë mbështetje. Pas tij fjalën e kërkon e piktorja, restauratorja, studiuesja e mirënjohur e arteve, e ndjera Fatbardha Shkupi.
Në fjalën e saj ajo polemizoi dhe hodhi poshtë kërkesat ekstremiste të Ramës për varje të komunistëve në shtylla tensioni etj. Ajo gjithashtu në atë takim i kërkoi Ramës të dënonte publikisht veprimtarinë prej xhelati të të atit Kristaq Rama, i cili kishte firmosur varjen në litar të poetit Havzi Nela dhe kishte persekutuar sa e sa artistë të tjerë, dhe se e asaj vet i kishte shkatërruar jetën dhe karrierën artistike duke e dërguar si internim në Librazhd nga Instituti i Lartë i Arteve: “Është e domosdoshme që ti të dënosh krimet e babait tënd dhe të kërkosh të falur publikisht në mënyrë që të mund të besohesh për ato që thua”.
Ndërhyrja e drejtë dhe vendosur e të ndjerës Fatbardha Shkupi u prit me duartrokitje nga të pranishmit në salle. Edi Rama, i zemëruar nga diskutimi i zonjës Shkupi, që kishte kaluar vite të tëra internim në Librazhd nga persekutori i saj Kristaq Rama, jo që nuk kërkoi ndjesë dhe nuk dënoi veprimtarinë kriminale të babait të tij biologjik, por në mënyrë demostrative u largua nga salla e debatit intelektual” – thotë Berisha që më pas lëshon një sërë akuzash për Ramën.
“Sot pas 27 viteve, ky pinjoll i etërve mizor, piktor dështak, trajton me urrejtjen atërore artistët më të mirë të kombit shqiptar vetëm se ata mbrojnë një simbol kombëtar ku kanë shkrirë gjeninë e tyre krijuese për dekada. Unë u bëj thirrje qytetarëve të Tiranës dhe të mbarë Shqipërisë që të mbështesim fuqimisht dhe me vendosmëri artistët tanë të shquar që po mbrojnë shkatërrimin e Teatrit Kombëtar nga paratë e drogës dhe krimit të Edi Ramës dhe klikës dhe puthadorëve të tij” – e mbyll Berisha. ©LAPSI.al
Berisha eshte i pabesueshem ne ato qe thote. Ishte KM 8 vjet, perse nuk u kujtua te bente dicka me fondin prej 3 milione Euro te dhene nga qeveria Greke per te ndertuar a ristrukturuar Teatrin? Kam frike se gjithe kush ka qene Km gjithe keta vjet eshte pjese e pazarit per te ndare fitimet nga kullat qe do ndertohen ne ate truall. Po ashtu edhe per stadiumin Kombetar, pse nuk filloi ndertimi sa ishte ai ne pushtet por priti te vije Rama. Kam frike se keta i ndajne parate bashke e bejne derr derr kot.
Po qe jane te gjithe me pardesy te bardha ardhur nga gerqia.