Në një grup me Brazilin, pikët duhen bërë në ndeshjet e tjera. për më tepër, në ndeshjen e parë të historisë, në Samara Arena, askush nuk kërkon të zhgënjejë, as Kosta Rika e as Serbia. Dy skuadrat luajnë shanset e tyre me gjithcka për gjithcka, edhe pse brenda tyre e kuptojnë se luhet për vendin e dytë dh në Grupin E forcat janë të balancuara, po të heqësh 5 herë kampionët e botës.
“Super Navas”, Kosta Rika pret nga portieri i Real…
Kosta Rika në prezantimin e tyre të 5 në një Kupë Bote nuk vjen pa ambicje, për më tepër që në 4 rastet e fundit, dy herë ia kanë dalë të shkojnë deri në fazën me eleminim direkt. Bryan Ruiz mbetet pika e referimit në fazën sulmuese, por ylli i skuadrës nga kontinenti amerikan është Keylor Navas, portieri i Real Madrid, një siguri në kuadratin e portës. Noshta nuk ishte rastësi që në 2014, në Brazil, Costa Rika u eleminua pa humbur asnjë ndeshje, u dorëzua vetëm me 11 metersha ndaj Hollandës në cerekfinale.
Mbrojtje solide, strategjia e Ramirez…
Tekniku, Oscar Ramirez, i di shumë mirë limitet e skuadrës së tij e për këtë arsye luan me shumë forca pas. Skema e preferuar është ajo me 5 mbrojtës, që është detaj përcaktues në 3 ndeshjet pa pësuar në 4 sfidat e fundit në Botëror. Kosta Rika ka qenë gjithnjë një skuadër fizike: nga 17 golat e shënuar në Kupën e Botës, 13 ose më saktë (76.5%) i ka shënuar në pjesën e dytë. Por në Rusi të besuarit e Ramirez vijnë ndryshe: janë skuadra me moshën më të madhe në botëror dhe kanë humbur 6 nga 8 ndeshjet e fundit në të gjitha kompeticionet.
Në Botëror ka diçka që nuk shkon me Serbinë…
Vetëm një statistikë ka Serbia në favor: që në kohët kur quhej Yugosllavia, ata i kanë fituar të 3 precedentët me kombetare të CONCACAF, por ballkanasit kanë dalë jashtë që në grupe në dy Kupat e fundit të Botës dhe kanë humbur dy ndeshjet hapëse në edicionet e fundit, pa përmendur 6 humbjet në 7 ndeshjet e fundit në një Botëror..
Fantazi dhe finalizim armët e Krstajic…
Tekniku i Serbisë, Mladen Krstajic, i ka idetë e qarta për mënyrën si duhet të luajë skuadra e tij. Pjesa ofensive e serbëve ka fantazi me 7 asist të Tadic në kualifikuese, talentin e Ljajic pas shpinës së një finalizuesi race si Mitrovic: 6 gola në 9 ndeshje kualifikuese.
Garancinë për mbrojtjen e jep mesfusha…
4-2-3-1 duket varianti më i përshtatshëm për mënyrën si funksionon Serbia me yllin e mesfushës Milnkovic Savic përkrah Nemana Matic. Mbrojtja edhe pse me veteranë, përfshirë edhe portierin Vladimir Stojkovic e ku Branislav Ivanovic me prezencën e 140 do të bëhet lojtari që ka luajtur më shumë ndeshje me përfaqësuesen, mund të mbijetojë me digën që krijojnë dy gjigantet serbë.