Grupi H është ndoshta më i balancuari në Kupën e Botës dhe të gjitha skuadrat kërkojnë të bëjnë start pozitiv në turneun në Rusi. Shumë pak gjëra i ndajnë kualitetet e skuadrave, e ndoshta për këtë fakt si Polonia ashtu dhe Senegali shpresojnë të fitojnë në Spartak Stadium, kur formacionet të zbresin në fushë në orën 17.00.
Polonia nuk ka kaluar përtej fazës së grupeve në një Kupë Bote që nga 1986, me pozicionimin e tyre më të mirë historik vendi i tretë në 1974 dhe 1982. Ka bërë vetëm një prezantim në Botëror, 16 vjet më parë, por mbahet mend mirë. Senegali i surprizoi të gjithë duke arritur në cerekfinale, gjë që skuadra e teknikut Aliou Cisse shpreson shumë ta përsërisë në Rusi.
Lewandowski, njeriu-gol i polakëve..
Polonia i ka besuar gjithcka shënuesit të tyre më të mirë në të gjitha kohërat Robert Lewandowski. Sulmuesi i Bayern Mynih e ka udhëhequr skuadrën drejt finaleve në Rusi e është pika e referimit edhe për të kaluar përmes fazës së grupeve. Shumë prej anëtarëve të Kombëtares polake kanë mbetur të njëjtë vitet e fundit, me trion Blaszczykoëski-Zielinski-Grosicki që duhet të jenë mbështetja kryesore për qendërsulmuesin Lewandowski.
Kujdes nga Mane…
Diamanti i këtij Senegali premtues është sulmuesi i Liverpool, Sadio Mane, që ka shënuar 20 gola në 44 prezencat e tij në të gjitha kompeticionet me klubin anglez. Afrikanët i besojnë shumë treshes që luan në Premier League, Ndiaye-Kouyate-Gueyeuar një mesfushë solide, që garanton koperturë edhe për mbrojtjen, ku lideri i padiskutueshëm është qendra e Napolit, Kalidou Koulibaly.